荔园在线
荔园之美，在春之萌芽，在夏之绽放，在秋之收获，在冬之沉淀
[回到开始]
[上一篇][下一篇]
发信人: Coral (Just Try To Do It,Don't worry!), 信区: Rock
标 题: all about the Pancakes
发信站: 荔园晨风BBS站 (Fri Apr 5 20:58:34 2002), 转信
发信人: hohum (lily chou chou), 信区: Rock
标 题: all about the pancakes
发信站: BBS 一网情深站 (Fri Mar 29 13:28:54 2002)
一人樂隊 the pancakes 主腦 Dejay 是個頗古怪的女孩.
她可以用 C, Am, F, G 作十多首歌, 是名副其實一 Chord 走天涯, 好聽點是香港版
Stereolab.
她可以響睡房錄起兩張大碟, 開一間叫 Rewind 的唱片公司, 假扮為樂隊出唱片.
她又可以將首張大碟, 寄到全球百多間唱片公司, 最後有間西班牙唱片公司回覆,說要為
她出唱片.
她可以好即興, 唔知點解作了一些歌寫了一些字, 她可以要求拍照時不擺任何Cutie 動
作, 訪問後可以和你討論稅務問題.
出唱片開演唱會九巴廣告歌一夜成名, 發生在一位寂寂無名的 22 歲女孩子身上,她將一
切不可行當作理所當然, 她可以大聲說: 「我已經到達人生的高峰, 以後唱片賣多幾隻都
唔緊要.」 對, 她又再發揮無厘頭的 Girl Power 了.
翻版夏金城
有人大膽將 The Pancakes 比喻為夏金城, 兩者都夠膽自掏腰包灌錄個人一碟, 兩者的歌
曲都不是很動聽, 亦抹掉獨立音樂那種扮有態度, 扮有技術姿態, 兩者都和獨立音樂扯不
上關係, 但偏偏受到電台的倦顧, 實在是異數. The Pancakes 的成功對很多閂埋門自瀆的
獨立樂隊, 簡直捧喝.
一個廿歲出頭的女子 Dejay, 組 Band三年, 累積幾十首歌, 獨力於家中睡房灌錄首張大碟
, 沒想過要做大歌星. 只望賣出三幾百張收回成本還個心願. 結果初期反應依是冷淡收場,
但其中的 被九巴說做廣告歌, 電台又大力催谷, 唱片銷量由一千變六千, 短短半年
Dejay 像發了場夢.
本地新晉獨立樂隊就是怕出碟沒有人知, 怕市場反應差, 也怕出 Show 彈得差, 反而不抱
太大期望, 即使慘淡收場, 至少也出過張唱片, 獨立樂壇又多一個話題, 多一點記載, 幹
嘛要思前想後, 相比起 90 年代初的獨立樂壇, 樂隊出碟頻頻, 摘音樂會都可以有近千人
捧場, 聽說這一代nd 的人多了, 但肯行出來的極少, 實在有點本末倒置.
17 歲開始學結他的 Dejay, 最刻骨銘心的必然是 C, Am, F, G 這四個 Chord, 因為首張
大碟有多首歌都是用這四個 Chord 作起, 不信的話試拿起結他彈 <abenteuer>, 跟著
<gzm> 又得, 九巴廣告歌 更加嚇人, 全程只用一個 A Chord, 包你藥到病除, 永不翻發.
18 歲興樂評人月鳥, Julian 組成 Postcard, 出席過多場獨立音樂會, 興 ATOMIC
BUBBLES, Choas 等英式獨立音樂樂團, 曾經形成一股小勢力. 之後 Dejay 以 Tricycle
Rider 和 Giner Biscuit 個人樂隊名義, 參加獨立音樂會, 每次上台演奏都要邀請朋友
幫手, 到 19 歲揚言要在q前推出首張個人大碟, 可惜期票無法兌現, 21 歲仍繼續流傳出
唱片的宏願, 結果剛過 22 歲, 即 2000 年頭推出 <les bonbons sont bons>, 製作只需
五千, 打算賣出 200 隻便歸本.
「點解出唱片係難事? 我睇外國 Indie 樂隊成日自資出唱片 Cassette, 不需要掙扎考
慮, 出唱片係一件好理所當然的事, 我冇擔心過反應, 亦冇乜期望, 賣百幾隻都夠.」
The Pancakes 不需到錄音室錄音, 因為她不介意有雜音, 也不需 Full Band 到錄音室,
匿埋屋內用 Keyboard, 結他, 4-Track 機和電腦, 全部灌入電腦內搞混音, 燒出 CD
便可作母碟, 成本慳好多. 在九巴廣告上台前, The pancakes 其實擁有一定的優勢,
近乎兒歌的風格, 易上口
孩子臉的面孔, 在獨立界中並一點都不獨立, 但卻吸引愛糖衣的普羅大眾, 同期亦吸引
近十間傳媒訪問, 大家都吼準她那副 Cutie 面孔, 希望大做古仔.
「香港我可能好特別, 但係響外國就好普遍, 我自己唔想似人地, 所以唔玩 cover 歌,
依家 d Indie Band, 好多都唔識寫歌, 全部以 Beyond 為目標, 結他同唱都一模一樣,
好似啤出來咁, 佢地點解唔試下改下 d 編曲.」
首張大碟推出後不久, Dejay 決定於上環開個人演唱會, 在當時雜錦樂隊音樂會盛行之
時, 此舉實在有點冒險, Dejay 的出發點是雜錦音樂會的焦點太分散, 開個人演唱會就
要所有注意力集中在她一人身上.
「獨立樂隊的生存空間好細, 每次一齊開演唱會只得朋友到, 一晚要叫好多隊黎攤分成
本, 揀個場都要細 d, 宣傳更加要平 -- 只係用影印紙.」
某程度上 Dejay 可算是有點自戀, 做人很自我, 出 show 要注意力集中在她一人身上,
自資雜誌 <sofa> 要放自己大頭做封面, 寄賣唱片一定要知賣出幾多, 邊度有得賣, 只
出過一張大碟就有 Tribute, 她的倔強性格和她的音樂大相逕庭, 莫非這叫做精神分裂
我不是 Cutie
往後所發生都是耳熟能詳的事. 唱片初期銷量並不太好, 直至九巴起用 為廣告歌,電台
DJ 如蘇絲黃, 少爺占等又每日例播其 the pancakes 的人氣急升, 大碟銷量賣過五千,
第二張 <<Pancakes can panick>> 雙張大碟隨即推,出一張是新曲, 另一張則是好友翻
玩 pancakes 歌曲的碟, 第二場個人演唱會接著而來, 一切都是一年之間的事, 整個神
話有點像科技股大升一航.
有人說 pancakes 矯揉造作, 太在意自己的 Cutie 代號, 有人說她是 Heavenly 品牌的
翻版, 這些我都不是太相信, 但與她交手幾次之後, 她絕不是你所想的 cutie 人版.
約她拍照的一天, 事前有要求不可叫她做動作, 「唔淮叫我跳, 做手勢, 你可以影我屋
企, 但係唔可以出現響張相裡邊.」
有一點我是不明的, 她是鍾意音樂, 但不愛音樂.
「這句是用來諷刺其他人, 有 d 人話音樂係我生命, 我只不過鍾意音樂, 音樂只不過
是生活中的一部分, 等同我鍾意打波, 咁唔代表我愛音樂愛到死.」
問這個問題時, 她會說根本記不起為何寫下來.
「好多時我唔知點解寫出來, 好多都係即興, 好似 Pancakes 名字的由來, 都係訪問幾
次我先記得起.」
她說她很愛 <<Gizmo>> (金毛正傳), 去日本時更加睇了兩次, 買下所有海報, 明信片,
但她煞有介事說她不看電影.
「我一年睇唔夠一套戲, 根根本唔明套戲講乜, 鍾意金毛只係鍾意靚仔.」
開始有點混亂, 思緒扯到十八丈遠了.
「我好介意其他人話我係 cutie, 我個樣生得細個唔係我自己揀, 唔係化妝化出黎, 我
著 o既都係 T 恤, 我唔介意你話我細個.」
轉眼間可以談到兒歌
「如果有人俾錢我寫兒歌我都肯, 依家 d 電視兒歌難聽, d melody 好冇心機, 我要打
救佢地, 如果你俾一千蚊我寫, 都好過 o個 d 一萬首.」
「我 o既好處係唔識抄其他人 d 歌, 我 d 歌係冇特定 o既風格.」
她說她開了間叫 Rewind 的唱片公司.
「Rewind 只係扮係一間唱片公司, 希望可以幫人出唱片.」
再說下去, 她不明白唱片賺下的錢是要交稅, 她不希望辛苦得來要交給政府, 結果我和
攝影師即場充當稅務顧問.
「究竟點可以搵更多錢$$$? 我想將我 o既興趣變成職業, 我想繼續出唱片落去, 出碟成
功, 可以說是我一半 o既事業達到高峰, 我唔需要再向上, 好希望同其他人合作, 我以
後都唔再需要擔心銷量.」
Dejay 人如其樂, 一程空中對話, 直如聽 Stereolab 一樣, 無需問點解, 總之一個
Chord 由頭去到尾, 因為即使你要弄清也不是件易事, 她說過休息半年才再出碟,但轉
頭是年中出細碟, 下張碟要和朋友一起夾擋.
當然, 這股傻勁是值得過分計算的人去學習, 誰會想過將自己的唱片, 寄去全球過百間
獨立唱片公司, 最後竟然有一間西班牙唱片公司回覆, 說要為你出唱片, 這叫做傻人有
傻福嗎? 至少 Dejay 將唱賺回來的錢, 拿去製作獨立雜誌, 隨書附送一張唱片, 輯錄本
地, 日本及歐洲 Indie-pop音樂, 可說是為大眾服務, 回饋社會, 奇就奇在, 她和鳥搖
個電話到西班牙, 法國, 日本找一隊樂隊, 說要拿首歌作雜錦碟用途, 對方二話不說雙
手奉上, 分紅等你未碟產才給我吧, 我開始相信這個 pancakes 一夜成名神話還可以繼
續下去.
--
┌────────────┐
│ To Return To Innocence │
└────────────┘
Coral: To Return To Innocence!!!! 一个人在途上.....慢慢寻觅自游感觉...
※ 来源:·荔园晨风BBS站 bbs.szu.edu.cn·[FROM: 192.168.72.32]
[回到开始]
[上一篇][下一篇]
荔园在线首页 友情链接：深圳大学 深大招生 荔园晨风BBS S-Term软件 网络书店